楊千嬅與老公丁子高昨日分別出席鞋履及手錶活動，千嬅特別為老公挑選皮鞋，卻要即場致電問尺碼，她笑說：「我勁買錯嘢，幫佢買過兩次恤衫，衫領都唔啱，佢問係咪畀佢吊頸！」相反老公對她的身形則一清二楚，但從不為她買內衣：「買細咗即係睇唔起我，大咗着唔落咪即係寸我囉！」問到會否選定童裝鞋，她笑說：「唔好咁快，小器o架！老人家話要食咗胡先講，依家枱都未開。」當得悉老公在微博表示羨慕謝霆鋒再做老竇時，她即強調生仔要有計劃；而丁子高則坦言恨生仔，又笑言要透過手錶傳遞「I will always be there for you」的訊息給太太。