性感模特兒「警鐘胸」Jessica C.與「鬧鐘胸」周秀娜，昨日在鞋履活動上首度碰頭，Jesssica不但換上兩套靚衫行騷，Ending時又企中間，明顯比靠邊站的周秀娜獲重視，先勝一仗！當記者要求周秀娜上前與Jessica合照時，醒目的她即叫張繼聰企中間，而且未有受訪便極速離開！

Jessica在Ending與張繼聰企中間，而周秀娜（左）則靠邊站，十分冇癮！	Jessica獲安排換兩套靚衫，明顯較受重視。	周秀娜換上運動服出席另一活動，重現「事業線」。

Jessica事後大讚周秀娜身材正：「佢好Nice同Pretty。（身材？）Good，Very Good！」得悉對方以「鬧鐘」形容自己的胸部時，她抵死地說：「下次見到佢會問佢What time！」

不怕比較

至於周秀娜離場後，換上低胸裝出席另一活動，對於Jessica表示會問她「What time」，她笑說：「咁下次攞隻錶話佢知啦！」有指二人將合作拍電影《熱浪球愛戰》，問到會否鬥性感，周秀娜說：「唔怕比較，大家唔同路線，係健康性感。（被稱為『雙鐘』？）呢個名唔好聽。」另外，她與男友Avis同於本月生日，日前二人出席私人生日派對，事後有賓客將照片上載至微博。