有「翻版林志玲」之稱的林莉，昨日出席《新地全情追『球』世盃熱》活動，被大會安排她坐在按摩椅上，即被聯想起林志玲（Chiling）的按摩椅廣告，問到與廣告甫士雷同，林莉說：「係大會安排，我有睇過佢個廣告，佢咁Hit，但冇刻意模仿佢。」穿上超短裙的她坐下時露春光，但她表示做足安全措施：「係打底褲嚟，不過下次都會小心啲。」她表示以前曾與朋友到酒吧觀看賽事，問到有否被博懵？她說：「冇，不過我身邊嘅朋友都好照顧我。」