胡心諾（Rainbow）、曾寶玲（Ar Yu）及劉瑋欣昨日出席亞視宣傳活動，與筱靖、林紫君及姚佳雯等穿着背心跳大繩，打扮性感的o靚模Rainbow及Ar Yu跳繩時不時手掩胸口，問到是否因身材好被邀上陣，Rainbow坦言只是二人較合拍，至於為何不再性感些，她說：「着衫都會視乎場合。（係咪好似周秀娜咁『鬧鐘』留咗喺屋企？）着衫都睇心情，心情靚咪着靚啲囉！」而Rainbow透露寫真除了三點不露的全裸浸浴照外，更有露背飛Bikini的照片。
而亞視則派出筱靖迎戰o靚模，她將背心剪短露出「事業線」，她表示服裝由公司安排，不過她寸爆o靚模：「佢哋都係盡地一鋪，我都聽聞過佢哋飛Bra。（咁你有冇興趣影寫真？）冇，因為老啦！不過如果十五、六歲，都係返去讀書好啲，我哋呢啲廿五、六歲都係為事業。（佢哋都係為事業！）咁佢廿五歲係咪收山先，如果係就冇乜大志囉！」她表示稍後會接泳衣騷，但拒絕以全裸、滴奶及飛胸墊出位。
