本年度《香港小姐競選》昨日進行複選，經過首輪面試後，由最初參選的百多位女士中Out剩34位。今年質素較往年提升不少，大部分「騎呢」參賽者冇得留低，包括令人「驚」嘆的「女版福祿壽」、「厲眼張舒雅」及「散髮蘇民峰」等，悉數被Out出局，其餘「省鏡」參賽者則成功留低。

「密實湯唯」「密實湯唯」以白色打扮迎戰，實行以清純氣質吸引評判目光。	「Sweet鍾麗淇」 「直鼻郭可盈」與「Sweet鍾麗淇」成功殺入複選，被視為賽前熱門之一。	「直鼻郭可盈」

進入複選的參賽者質素不俗，除了模特兒莊思敏妹妹莊思明順利進入複選外，洪天明舊愛梁郁霖（Lillian）亦成功入選。至於「脹面王祖賢」、「Big爆Barbie」、「嫩版魯芬」與「翻版官恩娜」等佳麗，昨日獲邀進行複試。

「飛女精甩邊」最後能否成為冠軍，且看她日後的發揮如何。

洪天明前女友Lillian進入港姐複選，但仍密實上陣。

每屆港姐總有大熱人選，今屆亦率先有部分佳麗跑出，包括「直鼻郭可盈」、「低胸Janice Man」、「密實湯唯」、「飛女精甩邊」及「Sweet鍾麗淇」，火速成為大熱五強！「低胸Janice Man」昨日以低胸打扮到場，露出誘人「事業線」，旋即惹起注目，一鳴驚人！相反，首輪面試以假髮示人及內穿Bikini Top上陣的「港版Leah Dizon」Tianna，昨日打扮平凡到場，明顯跌Watt！

「港版Leah Dizon」失準難靠	「脹面王祖賢」一位已足	「Big爆Barbie」有力挑戰
「翻版官恩娜」難寄厚望	「菲版謝婷婷」無甚特別	「黑超廖碧兒」有待收身

增加三個入選名額

無綫非戲劇製作總監何麗全表示，今年面試佳麗質素不錯：「今（昨）日有34個佳麗複試，有三個係第一次見，因為佢哋喺外地考試，第一Round嚟唔到，所以直接入第二Round。今年質素好好，本來連海外佳麗選12個，但依家會加到15個入最後階段。今年學歷普遍高，有四名係碩士，有啲係喺英國、澳洲同新西蘭返嚟。」他又透露今年放寬年齡限制，受惠者眾：「有一成參賽者係受惠年齡，有一成就係非三粒星（居留人士）嘅放寬。」