自張栢芝誕下謝家二少Quintus後，一家之主謝霆鋒連日來貼身照顧太太，至昨晨約11時，霆鋒「復工」半天，乘保母車往柴灣拍攝內地服裝廣告。他甫落車即向記者打招呼，問到BB現況，霆鋒一臉慈父樣反問：「BB得唔得意呀？」記者指BB有對大耳朵，霆鋒即笑笑口，邊摸自己耳朵邊說：「估唔到佢有對佛耳，我同老婆都冇！（栢芝點呀？）好好呀！」

拉姑昨午到醫院探望栢芝和孫仔，更自製兩大盤奶皇包慰勞記者。

與梁漢文出席活動的蘇永康（右），已致電恭喜霆鋒。

冇錢買樓獎勵栢芝

Quintus已出世一星期，問到是否已為細仔改名？霆鋒說：「未呀！頭先喺車上睇緊書，揀緊！」聲音沙啞的他透露，大仔Lucas因發燒而不能帶他到醫院探望弟弟，至於栢芝則未知何時可出院，然後便乘電梯進入影樓拍廣告。至下午三時半，霆鋒拍畢廣告離開，對於周刊拍得栢芝在醫院床上玩電腦，助手即搶着說：「張相係假！」霆鋒指Lucas很愛錫Quintus，並沒如報道所指搣弟弟及爭奶飲。

至於開工期間有否致電栢芝，霆鋒即自爆：「冇，但佢有打畀我，因為我今朝喺醫院走時，佢仲瞓緊覺，佢醒咗見唔到我，所以打畀我！（送車獎勵栢芝？）睇佢要先啦！（送樓？）無能為力！」問到會否恨追個女兒？他指BB身體健康已很感恩，繼而乘保母車返回寓所。

拉姑送大包探孫仔

此外，拉姑昨午五時半到醫院探望栢芝和孫仔，更自製兩大盤奶皇包慰勞記者，她風騷地說：「栢芝身體好好，多謝關心，未有咁快出得院！」栢芝經理人則表示栢芝要待醫生批准才可出院。

另一邊廂，蘇永康與梁漢文昨日出席活動，康仔坦言已致電恭喜霆鋒，並計劃栢芝出院後前往探望，問到會否送禮，他說：「霆鋒乜都有，連億幾嘅屋都有，唔知送乜，我哋以探為名，玩為實！」自嘲「中佬」的康仔表示跟張衞健都「發仔瘟」，但要尊重「太太」意願，而否認再婚的康仔很快又轉口風：「係未婚妻先啱！」而古巨基、陳敏之及莊思敏等昨日在微博公開祝賀霆鋒和栢芝，並大讚謝家兩位公子十分可愛。