向來恨生第二胎的袁詠儀（靚靚），前晚以愛心大使身份出席自閉症兒童基金協會舉行的《燦爛的微笑》慈善晚宴，同場還有名模琦琦。靚靚透露剛與老公張智霖到巴塞隆拿外遊返港，原本打算積極造人，卻遇上生理時鐘不協調：「其實話咗造人好耐！但原來特登造人好難，因要夾埋生理時鐘。（月事阻撓？）啱啱走咗，加上老公個鼻做完手術，仲食緊抗生素，等佢排晒毒先！」問到可會擔心有意外？她說：「我唔信，意外只會發生喺年輕人身上。依家啲人好早熟，我個仔好好奇，會指住我個胸問點解我有佢冇？又會揭我條裙扮BB。」