趙碩之去年一度「封胸」，結果人氣火速消失，痛定思痛的她決心收復失地，近日出席大小場合都「深溝再現」，拚搏非常！Wylie昨日出席代言的豐胸美容廣告時，更賣大包以超強「事業線」娛賓，引來大批龍友聞風而至，在場虎視眈眈，場面十分壯觀！

碩之性感招搖過市，吸引不少人拍照。	碩之主持廣告揭幕儀式，令人期待。	除了以低胸裝上陣外，碩之更大晒一雙美腿。

Wylie的豐胸廣告昨日首播，拍攝效果被指與周秀娜年前的纖體廣告有異曲同工之妙，不過Wylie則獲師姐戴夢夢撐場，片中扮演「犀利哥」，為廣告加插了不少喜劇效果！對於同樣以驕人上圍出位的「宿敵」周秀娜，將與「警鐘胸」Jessica C.合作新片，角色勁打之餘還要「震乳」製造效果，Wylie亦不執輸自爆：「其實之前都有片商搵我拍戲，造型跟足遊戲女郎，上圍勁誇張嗰隻呢……不過後嚟冇咗下文啫！（覺得周秀娜套新戲點？）嘩！好尷尬喎！好想睇吓拍出嚟嘅效果！」

計劃為咪咪買保險

接受訪問期間，Wylie更自爆一度打算以「真空示人」﹕「我戴咗Nude Bra，不過又驚穿崩唔好睇，所以有諗過除埋個Bra，不過畀工作人員阻止，我咪花咗好多時間黐膠紙囉！（唔驚走光咩？）塞到咁滿冇位，睇怕都唔會啩！」明顯對自己的豐滿身材十分滿意，不過原來她曾一度屬「龜縮一族」﹕「我係運動型，曾經唔鍾意（大胸）阻住做運動，依家終於明白女生要有體態美，所以挺起胸膛做人！（為『生財工具』買保險？）呢樣可以諗，聽講冇受過傷，保額可以平啲嘛！」