甄子丹是非多多，《葉問2》導演葉偉信也替他不值，力證他並不囂張：「樹大招風！佢只係話自己打咩都好睇，講笑畀人當真……佢只係直得滯。」提到子丹與葉準師傅的不和傳聞，葉偉信笑言不是事實，還透露葉準師傅對此大感緊張：「佢打畀我話，依家套戲令到有更多人了解詠春有位宗師係件好事，咁佢又點會批評子丹呢？」星皓老闆王海峰亦力撐子丹「真金不怕洪爐火」：「係咪真功夫，係咪票房保證，大家有目共睹！惡意攻擊係唔會影響到有實力嘅人。」
在兩集《葉問》中飾演葉問夫人的熊黛林，亦撐子丹對她十分照顧：「子丹個人好好，唔知點解咁傳，人哋講嘅嘢我感受唔到，相信其他人都冇咁諗，唔好誤會佢！（有傳開拍《葉問3》，如果搵你拍唔拍？）有冇子丹？如果有，撞期都要接！」