世界盃下月開鑼，張智霖（Chilam）早前便與袁詠儀及兩位女助手到巴塞隆拿旅遊，率先感受足球狂熱。逗留只短短五天，Chilam嫌唔夠喉：「巴塞真係好吸引球迷，遲啲一定會再去。初頭諗住點都要睇番場波，最終都因為時間夾唔到！」
期間Chilam參觀西甲勁旅巴塞的足球場：「最開心係見到一個個金色嘅足球，即刻買嚟送畀郭富城，佢好鍾意金色！（停工睇世界盃？）唔會，工作行先。（去南非睇？）擔心安全，我仔細老婆嫩。」他最睇好阿根廷捧世盃。
談到母親節當日囝囝慕童撞穿頭，要入院縫針，Chilam透露兒子已無大礙，預料下周便可拆線。