身在內地的麥玲玲昨日向記者承認，Paco及何麗全曾聯絡她：「Paco好識處理危機，能夠大事化小，我好尊重佢，而何麗全亦好客氣打電話畀我，其實佢係一個好有江湖地位又公正持平嘅人，兩個前輩我都好尊重。（仲打算告上法庭？）我哋有機會碰頭，當然會傾一傾，因為唔知佢心意係點，有誠意嘅，當然會Hold住。（需要有人道歉？）咁又唔使。」

而何麗全昨日承認此事，他不想因小事傷和氣，鬧上法庭會影響他們主持無綫之相關節目：「和氣生財，發生呢件事時可能冇人喺中間溝通，先有誤會，相信坐低傾就冇問題。」而至截稿前仍未獲李丞責回覆。