當年張栢芝因參演星爺《喜劇之王》而成名，近年則相夫教子大過天，日前更為謝霆鋒誕下第二個愛情結晶品。再做姑姐的謝婷婷前晚出席連卡佛The Jacket酒會，她表示仍未抱過BB：「除咗爹哋媽咪，冇見過其他人抱！（你唔夠膽抱？）少少驚啦！不過最驚抱咗唔捨得放手！」對於有指狄波拉買樓贈孫，婷婷說：「媽咪成日睇樓！（送一層畀你做嫁妝？）媽咪信風水，睇啱先買。」而拉姑與丈夫鬍鬚Kong昨午五時許帶同花膠燉冬蟲草湯到養和醫院探望栢芝及BB，還風騷地說：「第日請你哋（記者）食大餐。栢芝未有咁快出院，但身體康復得好快，仲會飲晒啲湯！」至晚上七時，謝賢亦抵達醫院，離開時忍不住大讚BB好好湊、好乖，而霆鋒助手表示今日會發放BB相片。