深受廣告商歡迎的溫碧霞，本年內接了10個廣告，早前更到廣州拍攝新一輯化妝品廣告，因要拍攝電視和硬照廣告，故需時三天。她表示此行會抽空品嘗順德菜：「廣州真係好多好嘢食，今次去試吓順德菜，因為順德出名食魚，所以好多魚嘅菜式，啲魚好鮮甜，但好多骨，香港啲魚唔知點解好似冇咁多骨。（試過廣州鯇魚刺身？）未聽過，如果見到都有興趣試吓o架！」
不少藝人接拍化妝品廣告都會連同護膚品，但溫碧霞可分開接拍，今次拍攝的化妝廣告，加上早前接的另一個護膚品廣告，令她穩袋七位數字酬金。早前她出席內地美容院活動，便將酬金捐往玉樹賑災，今次她亦將部分酬金捐出。
