前Sky成員梁俊軒（Bonald）和林雋健與Zoey相識多年，三人合資6位數字在尖沙咀開設時裝精品店BeOK'z，不論設計貨品、辦貨和裝修等也親力親為，Zoey更捱了多晚通宵黐水晶iPhone殼，她說：「全部iPhone殼都係我一手一腳黐o架！真係搞到我鬥雞眼，啲裝飾都唔容易搵，之前我又去內地、深水埗同網上搵，啲貨真係好貴，好辛苦先搵到啱價錢又靚嘅！」

梁俊軒稍後會穿店內的衣服，宣傳新碟。

梁俊軒（左起）、岑潔儀及林雋健合資六位數字開舖做老闆。

趁後生過老闆癮

談及舖頭被指人流少，Zoey醒目地說：「我都有拍膊頭叫啲藝人朋友嚟影相，開張嗰陣仲會搵班o靚模朋友幫我派傳單，當然會叫佢哋性感啲。（咁你呢？）我唔會，依家榮升老闆娘嘛！」

而Bonald和林雋健早前忙於拍電影及錄唱片，Bonald本月中會推出專輯，他說：「平時好鍾意買衫，趁後生有機會，都想試吓過老闆癮！如果之後做專輯宣傳時，我都會着舖頭啲衫上陣，順便宣傳一下。」而阿健坦言開舖頭是一直的夢想，當與Zoey談及時她已很雀躍，故很快便找來老友Bonald一起投資。阿健透露他們本身各有工作，可能屆時要請人睇舖！