即將推出寫真的胡心諾（Rainbow）帶領五位師妹組成「Donut」，硬撼周秀娜及新八模等勁敵，Rainbow表示驚都未驚過：「大家都係各有各做，我唔驚佢（周秀娜）會搶客喎！大家路線唔同，聽聞佢會玩滴蠟，都幾有新意，不過我哋都唔弱，因為會玩全裸！我哋未必輸！」她揚言若寫真賣逾兩萬本，便會搞一個「泡泡會」：「如果賣到呢個成績，我會搞一個泡泡會，同Fans一齊吹泡泡影相，當然都可以抱抱啦！」談到今次遠赴菲律賓宿霧拍寫真，Rainbow表示趣事多多：「唔知係唔係防曬做得唔夠，我哋幾個都曬黑咗，唔知係咪咁，啲菲律賓男仔以為我哋係菲律賓人，仲不停咁撩我哋！」
