農夫表示今次演唱會會包含半小時至1小時的棟篤笑環節，成員C君更笑言棟篤笑內容可能會出賣很多圈中好友：「我諗出賣得嘅我哋都會出賣，可能會得罪好多人！」原來在紅館開騷並非他們的夢想，這個機會可算是突如其來的恩賜，亦可算是他們組成10年以來的心血結晶，成員陸永說：「今次我哋會玩好多新嘢，最後我哋仲會拆爛紅館，真係會打爛成個台！」

演唱會由農夫一手包辦，更起用全新班底。

放大圖片

農夫更是首隊於紅館開騷的Hip-Hop組合，C君說：「係一件大事，因為我哋係第一隊Rap到入紅館嘅樂隊，對成個香港樂壇意義都好大，證明香港聽眾嘅接受力強咗！」而演唱會由策劃到後期都由他們一手包辦，參與度極高，他們更笑言開會時間之長，有機會打入健力士世界紀錄！

起用全新班底

農夫表示整個班底都是初踏紅館之人，陸永說：「今次成班都係好後生、好有火嘅人，大家一齊做好個Show，同埋要話畀上一代嘅人知，叫佢哋放心，係時候畀下一代嘅人接棒！」他們並不排除會加場，到時極有可能成為表演的「下集」。