實力派歌手呂珊將於下月假紅館開處女個唱，她直言比待嫁更開心，現正全力練歌及排舞：「我未試過喺紅館唱歌，仲興奮過嫁得出，好有滿足感！作為歌手，喺紅館開騷係里程碑，終於到我講『山頂嘅朋友，你哋好』喇！」為以最佳狀態示人，近日她努力做運動及養聲，還準備操弗身形賣性感：「性感都會，唔好獻醜同走光就得！」由於個唱僅此一場，令她擔心未能滿足世界各地的樂迷：「啱啱喺美國登台遇到啲老闆都叫我撲飛，完騷後會同樂迷聚會。」