入行多年的伊健，演過不同角色，不過今次在新片《飛砂風中轉》中，43歲的他飾演比他僅大8年的余安安兒子，令他壓力甚大：「當我收到劇本，知道安安姐要做我阿媽，我都唔知點算好，因為佢喺我心目中一向係大美人！況且我哋只係相差幾年，要我做佢個仔，真係好大壓力！」

安安於片中扮演吸毒喪婆，事前要向囡囡備案。

闊別多年再做「古惑仔」的伊健，笑言已變身「古惑佬」。

伊健還大爆與安安見面首日，即被出言「恐嚇」：「佢叫我一定要剃鬚、一定要扮靚仔，否則就影衰佢呢個靚媽！」安安笑說：「要做伊健阿媽，我好緊張！雖然之前做過好幾次媽媽，不過全部都係囡囡，今次第一次『生仔』，個仔仲要同自己差唔多年紀，都唔知點演好！」她坦言曾有兩部片邀她做媽咪角色，不過遭她婉拒：「其中一部仲係攞獎o架！不過今次我好鍾意個劇本，我覺得扮演好喪好癲嘅吸毒女人，對我嘅演技係好大挑戰！」

「吸毒」向女兒備案

談到多場對手戲，伊健最難忘與安安的一場母子重逢戲：「第一日就嗌交，嗌到喉嚨沙晒！好彩安安姐演技好，第一日未熟對手已經好投入，睇得出佢係一個做足功課嘅好演員！」身為靚媽的安安，在新片中飾演吸毒喪婆，甚大突破！她坦言拍攝前曾向囡囡交代：「我16歲入行一直做靚女角色，今次有呢個突破，事前要向囡囡備案！好彩套戲都有教育意義，最後我都改邪歸正！」