有「童顏巨肺」之稱的鄧紫棋（G.E.M.），不但擁有可愛的「金魚嘴」，更遺傳了母親的「包包面」：「我唔只塊面圓，連眼、鼻、嘴同酒渦都係圓o架，所以我同媽咪個樣好似，加上佢生得好後生，曾經有人錯認佢係我家姐！」問到圓面會否給人「脹爆」的感覺？G.E.M.笑說：「都係o架！不過我點減塊面都唔會尖，好多人話我面尖就會走樣，唔再係我，所以我係襯肥肥哋！（考慮抽脂？）有o架咩？有都唔會試啦，好似好危險咁，加上呢個係媽咪賜畀我嘅！」她又透露妹妹亦是「包包面」一族：「三母女都係咁，應該唔會走散！」問到身材是否同時「圓圓哋」？積極減肥的G.E.M.說：「努力減梗o架喇，只係欠缺高度！（食增高丸？）食過，只係我唔做運動，所以只係高咗1cm。」