夏天將至，不少女星及模特兒紛紛磨拳擦掌，爭出水着寫真，相信不少男士均很期待34D「咪神」高海寧拍水着寫真，不過高海寧卻令宅男Fans失望：「公司冇咁嘅安排，呢啲留番畀後生女啦！」

梁政珏（左起）、高海寧及李曼筠都是新一代「咪神」。

高海寧認為只Sell身材並非長遠之策，藝人要有更多賣點。

高海寧又指除了電影及廣告外，其餘時間都不想穿泳衣：「我認定做藝人係終身職業，身材係天賦，應該好好運用，想留番啲幻想空間，唔想一次過晒冷。依家我有積極進修唱歌、演技同英文，希望大家唔係淨係注意我嘅身材，會欣賞埋我嘅才華，唔想淨係畀人覺得得個殼。」

齋吃麥皮 成功減肥

對於大批模特兒在夏天鬥騷身材博出位，高海寧認為展示天賦無可厚非，但不能獨沽一味：「初初入行，將最靚嘅一面騷畀人睇都可以，但賣點唔可以淨係得身材，要有其他，否則短時間內彈出都無以為繼，身材可以騷幾耐呀？」另外，近期她清減不少，擺脫過往圓潤外形，原來她為了減肥，整個月三餐都只吃麥皮，終成功減去十多磅贅肉。