鄧健泓（Patrick）昨日舉行新碟分享會，監製梁基爵及at17的盧凱彤助陣，唱片公司高層黃劍濤則送上禮物。身為環球歌手的Patrick，未能到TVB宣傳：「連卡拉OK渠道都少咗，惟有靠網上宣傳！（增加宣傳活動？）遺憾係自己拍緊劇，要問公司度期！（上其他電視台？）我身份尷尬，TVB係我阿媽，所以唔可以去其他電視台，希望TVB播MV啦！」他表示有機會出碟已經很開心：「對上一次出碟已經兩年前喇！（送碟畀陳志雲？）會！佢係我師傅，最近冇見，都係SMS！」