曾被封「港版Morning娘」的9人女子組合Cookies雖已解體7年，但近日有主辦單位有意為被Out的5餅碎舉行1場戶外音樂會，並邀請鄧麗欣（Stephy）、吳雨霏（Kary）、楊愛瑾及傅穎（Theresa）睇騷，屢傳不和的Stephy及Theresa更有機會合唱！餅碎區文詩坦承曾有人接洽：「所有嘢都未定，初步諗住暑假搞，大家都有興趣做！」Stephy與Theresa均未收到通知，但亦有意參與，Theresa說：「時間配合到會去！（同Stephy同台？）始終喺呢個圈工作，一定有同台機會！」而Stephy表示要睇檔期，更不怕成為焦點：「大家都係專業，同Theresa碰面唔會尷尬！」Kary則表示必定會支持。