徐淑敏（Suki）昨日在荷里活廣場出席活動，並與小朋友學煮餸。產後明顯升Cup的Suki，身穿低胸背心大晒「事業線」，但她說：「不嬲都咁勁！但我反而鍾意以前多啲，太大唔係咁好。（老公鍾意你依家咁？）我點佢都話鍾意，咁氹我嘅說話點都要講！但我大肚時，老公曾經飲醉酒同隻狗講，話我肥咗好多，但我知佢飲醉，所以唔會嬲。」
Suki透露只差少許磅數便回復未生BB前的體重，更有不少纖體公司找她當代言人。問到平日會否下廚冧老公，她說：「佢試完就話以前個廚師煮得好食啲，所以以後都唔煮喇！」此外，Suki透露曾提議家姐參選港姐：「個個都話我家姐靚過我，但佢叫我唔好玩嘢，我幫佢填晒報名表都冇交到！」
