謝婷婷昨日出席Kiehl's活動時透露，已與男友安志杰探望阿嫂張栢芝及剛出世的姪兒，更帶了一束花送給阿嫂，姪兒仍有少少腫，未知樣貌似哥哥謝霆鋒還是阿嫂，只知霆鋒再為人父心情特別好，她說：「哥哥特別開心！笑多咗！（阿嫂有冇話要生多個女？）啱啱先生完咋！」她稱Lucas沒有因細佬出世而呷醋：「冇！有抱住佢睇細佬！」她表示沒有帶相機影BB相，因忙與Lucas玩，確保Lucas不會受冷落。
此外，婷婷自言唔恨生仔：「玩人哋BB，玩完就畀番人，湊BB兩日就OK！湊十幾年我都唔知自己有乜反應！」日前她為男友慶生辰，在蛋糕上插了I Love You蠟燭，倍感溫馨！出席完活動後，婷婷即孭着禮物袋前往醫院探栢芝，原來她買了BB護膚品送給姪兒。