12/05/2010

播放本新聞相關短片

爆鏡:發哥搵法拉「送飯」特別香

影帝周潤發之前公開稱讚無綫花旦陳法拉,睇好佢做影壇新星,結果法拉真係憑處女作《LAUGHING GOR之節》角逐金像獎「最佳新演員」,雖然輸咗,發哥仍然獨具慧眼,小小So仲知道發哥對法拉嘅喜愛程度有增無減,仲狂煲對方嘅新劇!

小小So:發哥,你知唔知法拉早排爭金像獎「最佳新演員」呢?

發  哥:係咩!邊套先?

小小So:《LAUGHING GOR之節》囉!

發  哥:我未睇呀!冇得畀意見,不過之前我有睇佢套《秋香怒點唐伯虎》。

小小So:你真係好留意佢喎!

發  哥:我係電視精,睇電視送飯o架!套劇好好睇,個個都做得好!

小小So:咁係胡杏兒定法拉做得好先?

發  哥:胡杏兒?

小小So:即係做秋香嗰個,公主先係法拉。

發  哥:佢唔係公主,係郡主先啱!不過秋香同郡主都做得好啦!我幾鍾意啲對白,夠現代,唔係一味古代。