鍾舒漫
意大利Vs巴西
鍾舒漫︰講睇波，我梗係期待睇到意大利對巴西隊啦。因為兩隊都係好波之人，同埋都有好多宿怨，最記得94年世界盃決賽要踢到十二碼，好刺激。中學時期已經睇「神奇小馬尾」巴治奧，希望今年都睇到兩隊強勁組合再落場決一死戰啦。
周倩圯
西班牙Vs英格蘭
周倩圯︰我向來欣賞有球技又靚仔的足球員，世界盃的決賽組合，首選西班牙對英格蘭，因為西班牙有「王子」之稱嘅費蘭度托利斯助陣，佢超靚仔，又好腳法。而英格蘭就有朗尼同謝拉特，佢哋係粗獷型，夠晒Man，射門技術一流。睇波同時可以睇靚仔，分外投入。
諸葛梓岐
西班牙Vs任何一隊
諸葛梓岐︰我自己最愛西班牙國腳費蘭度托利斯，所以決賽只要有西班牙就可以。無論西班牙對任何一隊，自己必做捧場客。
G.E.M.
巴西Vs西班牙
G.E.M.︰我就想睇到巴西對西班牙呢場夢幻決賽，係足球迷都知呢兩隊係全世界最強球隊，兩隊球星又多，又好波，如果決賽戲碼唔好，真係唔好睇！
黃家強
意大利Vs荷蘭
黃家強︰意大利對荷蘭，我鍾意食意大利粉，荷蘭就好自由，係我最鍾意嘅國家。
評語
小記參考足智彩決賽組合所定的賠率，發覺G.E.M.、周倩圯、家強同鍾舒漫嘅心水，均被視為熱門，算佢哋有眼光！