最近William和Sherman以高價酬勞，獲邀擔任Rexona止汗劑新代言人，以勁歌熱舞拍出動感。兩人身穿白色背心邊噴邊跳，一向身材健碩的William更拉高上衣，露出強勁的腹肌；相反Sherman的低胸衫未見睇頭，似乎略遜一籌，她笑說：「一定輸啦！我不嬲都冇乜嘢睇，但William身形真係好Fit，好似一舊舊朱古力咁，超Man囉！」

Sherman與William相熟，對望時不禁喪笑！

Fit爆的William（中），勁歌熱舞拍廣告。

互望喪笑

William坦言因兩人相熟，當導演要求面對面互望時，他們經常忍不住笑：「其實Sherman跳得好好，但有啲位想扮酷，型少少去跳，但一眼望眼就忍唔到笑！」William經常要跳舞很大汗，故常被人嫌棄，他說：「之前一練完舞，個個同事都會彈開，依家唔使再畀人話我係『臭男人』喇！」而Sherman感激William教路，令她很快記熟舞步，拍攝過程順利。