有外國收費色情網站盜用索模Jessica C.（JC）的多張性感照當廣告相，包括她谷胸上陣、穿小背心及食薯條的照片。而另一色情短片網站在當眼位置擺放JC的薯條照賣廣告，令人誤會點擊相片後，會有JC的色情短片出現。JC的性感照雖不是露點等露骨照，但混在一班身穿誘人內衣、接近全裸的少女當中，難免惹人誤會！

十五歲時拍下

記者向JC經理人查詢，她指JC得悉事件後心情激動，公司上下嬲爆：「以前有發生過類似事件，但唔係擺喺色情網站，個網周圍都係啲行為大膽嘅少女，咁樣絕對會影響JC形象，仲要攞嚟搵錢！唔好以為JC係咁隨便，再有更過分嘅相或短片，我哋會同律師商量，考慮採取法律行動。」

經理人直認網站登的是JC性感照：「啲相係佢十五、十六歲嗰時自己Upload上網嘅，可能咁就畀人Save咗，會叫佢以後影相小心啲。（當時已經係警鐘胸？）佢貪玩戴Push-up Bra先有咁嘅效果啫！」她透露JC擔心會有其他相片遭移花接木。