剛從蒙古和敦煌拍完戲回港的楊采妮，昨日與蔣怡、陳細潔和鄧達智一同出席海港城舉行的《New Beetle Art Gallery慈善拍賣展》，現場所見，楊采妮消瘦了一個碼，她表示在蒙古及敦煌拍戲水土不服：「我之前真係瘦得好緊要，最瘦嗰陣得九十幾磅，返到嚟香港即刻睇中醫同游水調理，依家肥番精神番！」問到由她親自執導的電影進展如何？她透露可望年底開拍，但她不會演出：「今次淨係負責寫劇本同做導演，監製會係彭順，片種會係帶點驚慄又令人會反思嘅戲，彭順係一個做前期工夫做得好好、但又唔會超支嘅監製，依家戲名暫定叫《聖誕玫瑰》。」