何超儀前日接受無綫《今日VIP》訪問時，自爆當年加入娛樂圈波折重重，不但未獲家人支持，更勒令她離開香港，她憶述家人說話：「『冇o架喇你！冇人要咁瘀，不如返加拿大讀書，唔好再畀人影到係我個女。』（聽到好傷心？）傷唔到我，但唔覺有人（指屋企人）支持。」她又指當時梅艷芳也有幫口：「梅姐叫家姐唔好計較我唱歌技巧，而係睇將來有人畀獎你個妹，佢攞唔攞得起？梅姐話覺得我攞得起，因為我有信心！當時我聽到想喊，竟然有人咁了解我。」
超儀又呻媽媽藍瓊纓從不欣賞她的電影及唱片，卻大彈她的音樂是噪音、演戲欠缺內心戲。不過媽媽在她勇奪金像獎女配角當晚，竟在家開心得整個跳起。