栢芝昨日入院待產，與老公霆鋒齊齊迎接細仔出世，一班好友則準備送禮祝賀，身在北京的容祖兒（Joey）說：「好戥佢哋開心！返港之後我會親自買套靚靚嘅BB衫送畀佢哋，希望佢哋生多幾個，組成一隊足球隊！」而霍汶希亦祝他們生多幾個可愛BB，希望霆鋒努力賺奶粉錢，並預備送上BB籃做禮物。
至於好友郭偉亮則表示禮物由女友葉佩雯（Grace）負責，問到會否作歌送給BB？他笑說：「梗係留畀自己BB啦！」Grace則坦言為禮物而傷透腦筋：「好難諗！佢哋乜都有，又唔係第一胎，乜都買晒！我諗過織頸巾，不過怕令BB有危險，想過織冷帽，但天氣又唔啱！」而日前才與霆鋒飯敍的周永恒則說：「我話介紹自己就出世嘅囡囡畀佢個仔識，等我個女睇慣靚仔，唔會畀普通仔溝，咁我就安樂晒，霆鋒聽到就笑！」
