謝霆鋒妹妹謝婷婷昨日出席HTC手機活動，身穿I.T的Hannah Marshall裙子的她，提到阿嫂張栢芝臨盆在即，她踢爆栢芝已經入院，但不知道對方何時開刀，又指媽咪狄波拉既開心又緊張，並已買定薑醋煲。她表示母親節當日曾見過栢芝：「嗰日栢芝都有出嚟，佢好犀利，一啲都唔緊張，仲單手就抱起Lucas！（你準備送咩畀BB﹖）本來我打算買張BB被，但媽咪有個契仔已經送咗張Hermès嘅被，所以我都唔知送咩好！」
她又指最煩惱是為BB改名：「之前諗咗幾個，但唔啱用，多數都係哥哥（霆鋒）改，但我覺佢改名唔係改得咁好，我已經交差咗幾個，哥哥想用番Lucas英文名嘅尾音，但太難喇！」
