徐淑敏（Suki）昨日出席公開活動，對於丈夫黃浩前日被捕，惟他起初曾自稱是受到恐嚇才報警求助。對此，Suki說：「佢識得Handle，律師同警察介入咗，唔方便講太多。」她並表示丈夫已加強保安：「佢有個黑人保鏢好打得o架！我一啲都唔擔心。」而Suki心情似乎未受丈夫被捕事件影響，還自爆瘀事：「我當時瞓緊覺，都唔知發生咗事（即Kenny被捕），直至記者打電話嚟，我以為佢仲坐喺大廳添！」至於Kenny昨晚與父母及Suki等外出慶祝母親節，他接受電話訪問時只說：「總之今日（即昨日）接到個電話，對方話之前打畀我係語氣重咗，其實佢冇恐嚇我嘅意思，不過我仔細老婆嫩，都係小心啲好。」

收身見成績

雖然首年以母親身份度過母親節，但Suki選擇出席活動，搵銀至上，她表示囡囡早上起來對着她甜笑，令她相當窩心，更打算一年後追多個。她表示得到母親準備收身食譜，現時體重更較懷孕前輕了一磅。