憑「警鐘胸」上位的模特兒Jessica C.，昨日在屯門市廣場出席《母親節蛋糕雕塑》活動，並示範製作甜品及用朱古力紋身。與男友Sergio打得火熱的她，母親節不忘冧男友媽咪，她說：「我越洋送咗花、朱古力同卡畀媽咪，以前母親節，我會整早餐同午餐畀媽咪食，又會同佢睇戲，仲整過本相集送畀佢，等佢知道『I love my mom』！（送本寫真集畀佢？）會！佢一定好鍾意，因為我做嘅一切都令佢好自豪！（對男友媽咪有咩表示？）我都有打電話畀男友媽咪講『I love you』，我哋好好傾，女仔同母親關係比男仔親密，我同我媽咪都有講唔完嘅話題，好多時我收咗線，但媽咪仲講緊！」
