憑新一代「邦民女」之名，Anjaylia火速上位，接連拍了六個廣告，其後更拍住好姊妹蔡穎恩（Evelyn）「孖公仔」檔做代言人，成為廣告新寵兒。雖然Anjaylia不像Evelyn般有家底，但向來是慳妹學生的她亦密密搵銀，不論行街、搭車和食飯都慳住使。早前她與Evelyn去日本工作亦只買幾件文具。學生妹的她因天天要逼地鐵上學，為節省時間，最近她終決定考車牌兼一擲千金豪買新車，一嘗做車主的滋味。

Evelyn（右）不消五分鐘便掃到戰利品，相反Anjaylia未有收穫。

坐上司機位後，Anjaylia細心研究車上的配件。

報名考牌實地試車

日前中午時分，化淡妝的Anjaylia身穿簡約便服，與助手到A1駕駛學校，原來今年剛過18歲的她正準備報名考車牌，可能她對學車的程序完全沒有概念，不停摸着頭一連串地問職員：「路試係咪好難考？筆試係咪好多嘢要記？」職員亦細心解答，還安排她實地試坐師傅車，進行初次路面實習，還免費繞了兩圈，又獲師傅教路開車前後的守則，難怪她坐上車後遮掩不住興奮的心情。可能「車癮」一發不可收拾，心知遲早都要買車的Anjaylia，更急不及待與助手前往Mini Cooper車行睇新車。

Anjaylia拿出相機拍下靚車的外形。	Anjaylia到駕駛學校報名考車牌。	Anjaylia試坐師傅車，車癮大發。
Anjaylia（右）完全沒有購物意欲，全程慳住唔買。

抵達車行後，Anjaylia睇中一架20多萬的新車，心急的她即時向店員詳細詢問。她還準備相機拍攝靚車的外形，邊拿着汽車的宣傳單張，邊打開車門試坐司機位，又不時研究內櫳如軚盤等配件，經過了半小時的「考察」，最後露出滿意的笑容離開。

事隔數日，Anjaylia和Evelyn逛街，Evelyn不消5分鐘便掃到戰利品，相反Anjaylia全程只陪好姊妹揀衫給予意見，她望來望去也沒有心情，可能因買車在即，不想亂花金錢，務求可盡快圓車主夢。