為演好「踩界」角色，呂慧儀不但悄悄向身邊的「港女」朋友偷師，更花了不少時間在網上搜隻資料，她說：「只要打『港女』兩個字，就有好多特質彈出嚟，好似貪錢、貪名牌、鍾意使男友、嗲聲嗲氣、拜金等，我消化咗啲資料後，再模仿身邊嘅『港女』朋友。」為了扮得神似，她更設計了一些小動作：「我喺劇入面不時補粉、照鏡，希望啲細節位更神似，仲有一句口頭禪『我唔搭巴士』添！」

呂慧儀學做拜金「港女」，更自創口頭禪「我唔搭巴士」！	呂慧儀拍攝《女王辦公室》，與拍檔相處愉快。	放大圖片

唔使男友接送

問到自覺有否「港女」特質，呂慧儀笑說：「喺Daddy、媽咪面前有時會刁蠻啲，反而對男朋友就唔會有，以前都唔會要求男朋友送禮物，因為大家住得遠，連返屋企都唔使佢送添！」首次與阿姐汪明荃合作，呂慧儀表示相處很愉快：「合作得好開心喎！佢係對自己要求高，但其實好肯教人，係個好好嘅前輩！」