樣子甜美、身材高挑的羽翹最愛創作，早前她將自彈自唱的片段上載至YouTube，點擊率不俗，火速成為宅男新寵。她自爆雖然目前單身，但身邊不乏追求者：「唔可以話係心儀對象，只係普通食飯約會，大家都有權揀佢哋嘅心儀對象。（感情生活點樣？）一池死水，我唔係好旺桃花，就算喺大學幾年，都係得一個人追過我咋！」曾與倪震傳緋聞的她，被追問會否揀圈中人做男友時，似有所暗示地說：「因為唔係好靠得住，信唔過囉！寧願揀圈外人或者幕後人。」

即將出碟的羽翹，感激公司給予機會。

羽翹去年推出的寫真集反應不俗，但今年無意乘勝追擊。資料圖片

出美容書吸客

雖然感情生活未有着落，但羽翹的事業發展不俗，稍後將推出第二張專輯，問到是否壓力倍增，她說：「冇乜喎！公司肯同我再出碟，已經係鼓勵。（出寫真集？）無謂獻醜啦！反而會出一本有關美容嘅書，希望殺出一條血路，信心都幾大。（向唱作女歌手進發？）盡力啦！我本身鍾意彈琴同創作。」