去年勇奪多個樂壇頒獎禮新人獎的王梓軒（Jonathan），深厚唱功獲肯定，不過他沒有恃紅生驕，更指工作第一、獎項屬其次：「我反而在乎獎項帶嚟嘅工作機會，獎項對我嚟講係個警惕，今年對自己會更嚴厲，無論係音樂上或者個人言行舉止，都會執正啲。」為答謝Fans的支持，Jonathan將正式成立歌迷會：「我知道自己唔係大熱出嚟，但Fans都肯花時間認識我，係時候畀番個名義佢哋。」
雖然談笑間不離音樂，但天生熱愛音樂的Jonathan坦言很Enjoy，更指做音樂的喜悅難以用言語形容；問到怎樣平衡工作壓力時，他直言身邊的朋友擔當重要角色：「做一個成功藝人可以好孤獨，唔主動伸出手，一段友誼好容易甩咗，但其實對自己重要嘅人永遠可以抽到時間出嚟見面，我連幼稚園同學都仲有聯絡。」