日前謝安琪（Kay）接受有線主播區永權訪問，細訴以往缺乏自信的性格，和現在的「天后」風範相差甚遠，她說：「以前同朋友去卡拉OK都唔敢唱歌，一直都好冇自信，第一次唱歌係喺大學參加歌唱比賽，點知贏咗。」過往只會在家中讀書和彈琴的悶人，如今被人稱為天后，Kay坦言對此稱呼覺得尷尬，一向以歌手自居的她認為，歌手不會有天后之分，反而回看入行數年，覺得生活步伐被打亂：「好似同屋企人、朋友嘅相處，應該要慢慢享受，先可以活出自己的步伐。」
Kay做完廣東唱片宣傳後，即投入國語唱片錄音，一年出數張唱片的她說：「出唱片係歌手最想花時間去做嘅事，但都係最唔賺錢嘅事，依家賣碟賺唔到錢，我會當出碟係一種Blessing（祝福），至於要兼顧各種商業活動同宣傳，都係一種代價。」