下嫁馬來西亞銀行界才俊及誕下兒子的混血名模Danielle，昨日產後首度來港出席又一城的母親節活動，同場還有諸葛梓岐及台模瑞莎。Danielle坦言相當掛念兒子：「每日都會打五次電話畀佢，睇吓佢食同瞓好唔好！」她表示靠勤做瑜伽和健身火速收身：「不過老公鍾意我多啲肉！我同老公約法三章，唔可以離開BB超過兩日，否則就要帶埋BB開工！」她透露好友樂基兒早前到馬來西亞探望她，還一起吃日本菜。另外，諸葛梓岐透露已預備一份儲蓄保險給媽媽做母親節禮物：「希望當日可以飛去北京同佢慶祝，但男友要陪自己媽咪，唔會同行。」
