本文重點
何超儀早前曾批評三、四房的子女探病似做騷，前晚她投資的新片舉行首映，但只見二房的三名姊姊撐場，超蓮、超雲及超盈等全部冇影！
何超儀投資兼主演的新片《維多利亞壹號》前晚舉行首映，身穿Burberry連身裙的她碌爆人情卡，請來謝霆鋒、鄭伊健、吳彥祖及梁漢文等逾千名嘉賓撐場，更戴上景福珠寶從意大利空運抵港、由逾三百粒鑽石鑲嵌而成的3D鑽戒及Alain Philippe鑽石手錶亮相，難怪她笑言戴了一層樓上身！
與彭浩翔Friend番
何家各房屢傳不和，超儀早前更公開批評三、四房的子女探病似做騷，前晚超蓮、超雲及超盈均未見芳蹤，只有超儀三名姊姊撐場，她說：「佢哋咁多同學仔，遲啲包個特別場畀佢哋！（爸爸何鴻燊呢？）你哋唔使諗喇！有成過千名嘉賓喺度，我都未得閒招呼佢哋，如果佢嚟咗，邊可以招呼到佢！況且我準備咗嘔吐袋畀觀眾，佢睇報紙知道有人嚇暈已經驚！」
對於新片談及樓價高企問題，超儀希望高官入場欣賞，順道支持電影業。至於盛傳曾與她不咬弦的導演彭浩翔，專程由外地趕返港出席首映，更主動與她握手，明顯已冰釋前嫌！另外，有份演出的麥浚龍穿上Mihara Yasuhiro玫瑰恤衫到場，對於未能與超儀一同「變態」演出，他直言感可惜：「有次拍戲，超儀一見到陳子聰即刻飛撲去佢身上，好溫馨！」首映結束後，超儀換上另一套服飾到印度餐廳Duetto慶功，更率先報喜：「反應好好，睇戲時不時聽到有人尖叫，大家睇完齣戲就知唔好恰我！」
