前晚「警鐘模」Jessica C.與狄易達出席《Dare To 5 Dance？》活動，大跳熱舞。Jessica透露平日愛與男友Sergio出外跳舞消遣，問到可有男子埋身搭訕？她即笑說：「冇！如果有嘅話，我諗我男朋友會殺死我，同埋殺埋個男仔，不過我自己都會好尊重佢，同佢一齊出去，一定唔會同其他男仔玩。」她又笑謂每次外出都有一大班朋友保護，從未試過被博懵。而狄易達則大讚Jessica是位可人兒：「佢對眼好大，我本身都好鍾意大眼嘅女仔，加上佢成個樣都好靚，所以望得耐我都要望去第二度，佢好似連條眉都識講嘢咁！」記者笑言Jessica的焦點是「警鐘胸」，他即傻笑說：「係囉！」似乎已被電暈！