不少藝人為求省鏡，不惜在外表「做手腳」，但出來效果因人而異。已有一段時間沒有出席公開場合的Kama，昨日偕同新一代o靚模梁筠兒（Bambi）和麥浚龍（Juno）出席奧海城舉行的遊戲機活動。Kama和Bambi均身穿低胸上衣「胸戰」，惟Kama除了面圓身形脹爆外，更被發現全身離奇變樣，她的顴骨脹、下巴兜、雙眼圓大有神、鼻樑筆挺兼上圍升Cup，由33B激變34D，外貌判若兩人，即時被質疑整容。

「靚咗都開心」

對於胸部升Cup，Kama只說：「我成個人都肥咗，所以豐滿咗。（整咗形？）冇，只係戴咗神奇Push Up Bra，但Cup數都係差唔多。」談到鼻樑與以往有極大分別，Kama說：「我之前食咗啲藥令皮膚靚咗，今日冇搽粉底，只係喺鼻樑位置搽咗啲反光粉底，所以影相會直啲，我個鼻可以郁o架！」問到會否擔心被指整容，Kama自信滿滿地說：「冇所謂！大家覺得我靚咗都開心。」另外，上月初Kama本表示會拍攝寫真，但昨日卻改口風透露避戰，並會進修商科及市場管理，惟她否認退出模特兒界，只是間中出席接Job賺外快。

昨日被問到是否因人氣下滑而要讀書鋪後路，Kama寸爆說：「我唔係好了解你話搵後路嘅方法。（經濟方面撐得住？）之前都儲落啲錢，同埋媽咪幫我投資有啲獲利。」此外，同場的Juno自稱是「奇怪的宅男」，他愛穿背心內褲躲在房中打機，認為這是他的私人空間。