身為70後的馬浚偉，不是「有錢仔」出身，相反是香港艱苦年代的一分子，成長的每一個階段都有血有淚。講到「血淚」似乎很嚴重，但他堅稱以兒時的「度量衡」來說，的確不誇張。

十六歲的馬浚偉（右）自覺貌似三十歲，與身旁的圖書館總經理合照。

馬浚偉年少時已生得青靚白淨，似足「有錢仔」！

馬浚偉在石硤尾及深水埗區的屋邨長大，環境不算好，但幸好冇學壞：「七、八歲讀小學，嗰時見到道友喺後巷食白粉又打毒針，我太細嘞！唔識驚，後來大個咗先知咩事，不過我好好彩，冇畀人搞。（有冇造成童年陰影？）咁又冇！我細個過得好精彩，好鍾意去大牌檔，又食嗰啲大菜糕蛋，我嗰時仲會諗隻蛋究竟點整？」

馬浚偉的全裸BB照，非常趣致！黑白圖片

屋邨出身的馬浚偉，大談成長「血淚史」！資料圖片

做兼職巧遇嘉欣蘭子

幼承庭訓，馬浚偉因受爸爸的影響，又是家中獨子，年紀小小已有盡「當家」的職責。十四歲時，他已到雪糕店兼職，十六歲則到圖書館當管理員，因當年仍未成年，要圖書館總經理簽名擔保才可入職，他說：「我當年雖然未成年，但個樣成三十歲咁老呀！（細細個就出嚟做嘢辛苦嗎？）我十四歲已經去雪糕店做兼職幫補家計，我唔覺辛苦，當年我喺星光行返工，仲見到啱啱選完港姐嘅李嘉欣、陳淑蘭嚟買雪糕，蘭子講嘢好大聲，之後入行我都有同番蘭子提番呢件事，哈哈！」