現年24歲的顏子菲，乃08年亞姐亞軍及最上鏡小姐，選美後留港工作，發展平平，最近突然富貴，周身名牌。據知，她搭上亞視已婚導演謝松軒，兩人拍拖約一年，人稱阿軒的導演曾擔任《亞洲星光大道》及《十大電視廣告頒獎典禮》等熱播節目，收入不錯的他平日駕駛寶馬房車代步，當年顏子菲不忿輸掉冠軍，曾攬實阿軒大哭。至於阿軒太太則是有線電視節目監製，兩人育有一名一歲多的兒子，阿軒搭上顏子菲後，大享齊人之福，既與太太及兒子享家庭樂，又與顏子菲公然孖住回公司宿舍過夜。

顏子菲大施冧功，烏身猛嗲又企定定陪男友。

3/5湊女宿一宵 謝松軒送顏子菲返宿舍，女方依依不捨拖實男友。

本月2日阿軒放假與太太及囝囝先遊西貢再往元朗，做足好爸爸本分，抱實囝囝愛護有加。翌日阿軒卻接載出席完朋友生日會的顏子菲，直駛往公司安排位於大埔的宿舍，抵埗後，顏子菲大施冧功，落車烏身對住阿軒嗲個不停，繼而陪男友煲煙，最後使出擒拿手，捉住男友上樓過夜玩天光。本月4日阿軒放工又趕往會佳人，在宿舍接了顏子菲後，兩人到奧海城睇戲食飯，然後再回宿舍相聚。

顏子菲使出擒拿手，捉住男友上樓過夜玩天光。

放大圖片

明搶人老公 最緊要開心

對於男友上宿舍過夜，顏子菲直認：「佢唔舒服，擔心佢揸車先叫佢上去抖吓！（你同姚佳雯一齊住，唔會唔方便咩？）都唔方便，平時佢好少上嚟，姚佳雯都冇投訴。」問到知否男友有老婆？她先是支吾以對，反問記者會否搞錯，當記者告知已拍下其照片時，她才說：「我知！（唔怕畀人話做狐狸精、第三者？）我冇諗過破壞人哋家庭，我哋都好鍾意對方，我本身對婚姻睇得唔係咁重，開心就得，如果件事真係對佢哋屋企人有影響，佢提出咩嘢決定我都會尊重佢，我知佢係好顧家嘅人，佢好錫個仔。（要求過對方離婚？）絕對冇！（明知係第三者都繼續落去？）最緊要大家開心！」她深知報道一出影響深遠，一再問記者可否不要刊登：「屋企人唔知男朋友有老婆，依家件事變得好複雜，希望你哋唔好登！屋企人知道咗好大鑊，我冇諗過咁大鑊。」而張衞健太太張茜對於表姪女顏子菲與已婚導演拍拖，但她直言不太清楚，表示會致電了解。