林建岳密友陳浥萍（Monica）被拍得在台灣與男士親密約會，最後更爆出兩人原來已分手，身為林建岳前妻的謝玲玲對此只說：「唔關我事，所以我唔回應喇！」而林建岳兄長林建名，開始時力撐Monica：「拖手唔一定有問題，我時不時都拖第二啲女仔嘅手，唔代表啲咩！睇吓咩環境，唔可以睇一張相就下判斷。（話佢哋有錫喎？）咁錫又唔同講法，錫面珠定錫嘴先？（咀嘴啊！）錫吓面珠都OK，我有時都錫啲好熟嘅女性朋友面珠，有時感激一個人都會咀嘴，要睇點錫法。」
不過，當記者告知林建岳已證實與陳浥萍分手兩年，林建名即轉口風：「咁如果佢哋分開咗，人哋拍拖都好正常，大家唔夾分開都唔係問題，但個小朋友就辛苦啲囉！唔知跟邊個！最好就等個小朋友大個啲先分開，我都係等啲仔女大個先同老婆分開！」