剛剛「靜雞雞」在南非迎娶Lisa S.的吳彥祖，心情當然靚絕，但原來他去年初曾經歷「抑鬱浩劫」，情緒極低落！據知，去年他與內地演員袁泉拍攝電影《如夢》時，因角色性格極度深沉兼背景悲慘，令一向投入演出的他拍畢該片後久久未能平復心情，情緒陷入低潮！

吳彥祖去年與靚女袁泉合演《如夢》。

除了鬧人戲外，吳彥祖還有一場戲要喊足十分鐘。

匿埋屋企唔想做

吳彥祖被問及此事時亦直認不諱：「當時真係好辛苦、情緒好波動，《如夢》入面嘅角色同我本身嘅性格好唔同，角色係一個無父無母、生活喺孤獨世界嘅男仔，拍完兩個月都唔可以做番正常嘅自己，其中一場戲係講自己不幸嘅身世，足足要講十分鐘冇NG，仲要喊得好厲害！拍完後發現自己有啲唔妥，成日冇精神同唔想做嘢，只想匿埋屋企，好彩當時Lisa不斷鼓勵我，慢慢先冇事。」

另外，吳彥祖早前受訪時談及舊愛Maggie Q，他透露分手時心情極差，曾經試過睡醒後才發現曾哭過！他承認當時不願面對，後來才覺得這樣意志消沉下去也不是辦法，最後下決心振作起來。他還透露當時曾有朋友勸他看心理醫生，但他覺得可以用自己的方法處理，故最終沒有求醫。