近日有傳溫兆倫翻撻舊愛郭羨妮（Sonija），溫在Blog上留言，表示難忘「她」的「可愛」之情及經常夢見「她」，報道更指Sonija承認兩人有聯絡。對此，Sonija昨日勞氣地說：「我哋冇聯絡，我冇講『佢成日打畀我』，好離譜！我哋分手亦是朋友，一年可能有一、兩次電話聯絡。」當Sonija返到電視城後再被記者追訪，她繼續否認：「佢冇話想追我，冇諗過同佢一齊，佢有女友，祝佢幸福快樂。」
Sonija指與舊愛有電話聯絡，但另一邊廂，溫兆倫卻聲稱兩人從沒聯絡：「呢幾年冇打過畀佢。（Sonija話你成日打畀佢？）有人講大話。（二人仲係朋友？）朋友可以做，但真係冇聯絡，我嚟香港買兩部Benz鼓勵自己之餘，又係送畀女友Winnie，我同佢感情冇變。（Blog上傳情？）一定唔係講佢，係講早前意外身亡嘅內地女星潘星誼，佢係我哋經理人公司捧出嚟嘅人，諗起佢心情難過，但有人歪曲件事，最近有賑災，災民冇飯開，仲做啲無聊事，叫啲魔鬼快啲停止作孽，否則落地獄。」