薛凱琪（Fiona）及房祖名再度啜上大銀幕，一手撮合這對舊情侶的導演黃真真表示，若該片並非由祖名及Fiona來演，效果定必大打折扣，真真還大讚兩人很有化學作用：「我畀10分滿分佢哋！因為真係做得好Sweet，本身佢哋係一對好Close嘅朋友，有冇拍過拖我就唔知，亦都冇過問，不過呢套戲唔係寫佢哋兩個，亦唔覺有戲假情真，佢哋成日咩都拗，好似小朋友咁，如果係情侶一定唔掂。」
此外，曾在電影《早熟》中飾演薛凱琪媽咪的余安安，戲裏戲外也很關心「女兒」的感情生活，安安說：「我哋係會傾感情嘢，不過都兩三個月冇傾電話，大家都好忙，（知唔知佢同邊個拍拖？）唔知，佢講就會自己講，唔會問！（信唔信佢介入人哋嘅戀情？）唔知！」