成龍兒子房祖名於05年與Fiona合作電影《早熟》，因一場初夜床戲撻着，「祖薛戀」斷斷續續疑幻似真！至上月中，Fiona被發現與時裝潮牌Ground Zero的年輕老闆Eri Chu暗撻，失寵的祖名即在新碟附送的情信中宣洩不滿，表示「就像熱臉貼着冷屁股」非常難受。不過，Fiona與Eri的新戀情並不穩定，日前Eri與前度女友梁政珏在莊思敏的生日派對中暗角纏綿，再掀話題。

Fiona新歡Eri日前與梁政珏暗角掃背，唔怕激嬲Fiona。 資料圖片	放大圖片	放大圖片
梁政珏	Eri Chu

Fiona與祖名的新片《分手說愛你》，原本下月才上映，但激情預告片昨日卻可在Facebook和微博網上任睇，加上平日最忌講祖名的Fiona突然大方透露激戰細節，似向新歡Eri示威！

赤膊互摸

在《分》片逾四分鐘的預告片中，祖名暱稱Fiona做「BB」，穿小背心的Fiona則主動向赤膊的祖名咀嘴，單在預告片中，兩人便四度激吻，又投入互攬互摸，令人熱血沸騰，祖名又不乏冤氣對白：「尋晚我唔係唔想錫你，只不過個嘴生咗粒痱滋呀！」Fans留言大讚故事夠真，儼如「祖薛戀」真實版！

啜 「祖薛」在預告片連咀多次，將舊情擺上大銀幕。	又啜	啜唔停 薛凱琪與祖名拍咀戲甚有默契，連Fans都覺得甚有真實感。

女主角Fiona被問到激情場面時，風騷笑說：「唔係好激啫！Kiss長啲之嘛！」對於有傳她與祖名已分手，但新戲如此激情，可會擔心被指復合？她豪情地說：「唔驚得咁多，我個個都係咁錫o架啦！朋友又係咁錫，圈外人都係咁錫。」不過她坦言最初埋位時，因與祖名太熟反而尷尬，不敢互摸，結果被導演黃真真鬧，Fiona說：「我哋飾演熱戀情侶，齋錫冇動作，倒不如唔好拍，返屋企反思之後決定豁出去！而且拍撫摸鏡頭之前冇試戲，試咗就唔自然，好在祖名冇摸到重要部位。」

薛凱琪替祖名化上誇張妝容後，祖名即風騷自拍。	Fiona與祖名在床上跳繩，非常冤氣！	除了談情，片中Fiona亦要怒摑祖名。

廁所親熱

她透露最難忘在舊式廁所拍親熱戲：「當時我着高踭鞋，激動得滯踩爆咗條水喉，我要忍笑，否則NG就被導演鬧，最後仲用咗呢個Take添！」闊別多年再度合作，Fiona讚祖名演技成熟，又提到早前該片在香港國際電影節舉行首映，有朋友表示內容好Sweet，且笑中有淚，問到情節有否親身經歷？Fiona說：「冇！我從未做過對男友不忠嘅事，但戲中嘅我就有。」至於祖名則身在外地工作，未有回應。